Gazetarja e njohur Sonila Meço ka reaguar pas shoqërimit dhe vendosjes së sekuestros mbi pasuritë e Ylli Ndroqit.
Ndërsa përmend se Forcat e Ndërhyrjes së Shpejtë, me armatim të rëndë rrethuan një media ndërsa pjesa më e madhe e punonjësve ishin me pushime, Sonila Meço ngre pyetjen se kujt po i jepet ky mesazh.
Kjo pasi, sipas saj, nëse do të ishte vetëm për pronarin, “do mjaftonte sekuestrimi i llogarive personale deri në justifikim të pasurive.”
Me anë të një postimi në llogarinë e saj në Facebook, Meço shkruan se nga kjo situatë i vijnë në mend dy gjëra:
“1. Në precedentin e ndodhur 5 vjet në parë sekuestrimi i televizionit u konsiderua dëm dhe mbyllja e tij sulm politik. Ndoqi ritmin e vet, atë të drejtësisë. Edhe procesi aktual do të ndjekë udhën e tij, por me gjithë precedentin ndodh të sekuestrohen media me lehtësi të jashtëzakonshme dhe në procedura të paqarta.
2.Në kaq vite, në media kanë ardhur të gjithë, kanë qënë aty me fjalët më të mira e urimet për punë të dobishme nga gazetarët. Nëse në 3 gusht 2020, në kulmin e një zhegu përcëllues, kur një pjesë punonjësish kanë nisur pushimin e merituar, Forcat e Ndërhyrjes së Shpejtë, me armatim të rëndë rrethojnë me pamje terrorizuese një media, kujt dhe si po i jepet mesazhi? Pronarit jo e jo, do mjaftonte sekuestrimi i llogarive personale deri në justifikim të pasurive. Aty punojnë njerëz, që nën presion politik kanë, që prej dy vjetësh, të paktën qëkurse punoj aty. Si ka mundësi vepron drejtësia në një kahje, tek pronari, por le në mëshirë të fatit punonjësit, që presin drejtësi në SPAK? Pra terrori shkon tek gazetarët e të gjithë ata, që punojnë në profesionin e tyre.”
Më tej në reagimin e saj gazetarja shprehet se “më shumë se dhuna shtetërore, ndjell keq heshtja e njerëzve.”
Kujtojmë këtu se Gjykata e Posaçme kundër krimit të organizuar dhe Korrupsionit ka vendosur sekuestrimin e pasurive të sipërmarrësit Ylli Ndroqi, pas një kërkese të bere nga SPAK.
Prokuroria e Posaçme ka dyshime të arsyeshme, se Ndroqi, i quajtur ndryshe Xhemal Pasmaçiu, ka qenë i përfshirë në trafik droge jashtë vendit. Mes pronave të sekuestruara janë edhe aksionet në televizionin Ora si dhe disa shoqëri private në pronësi te tij.
Postimi i plotë
“Personalisht ndodhem për të disatën herë në situatën, në të cilën media ku punoj, vihet nën sekuestro preventive, apo tentohet të mbyllet.
Shumë gjëra kam mësuar nga kjo përvojë, megjithëse çdo herë betejat nuk i kemi zgjedhur ne, punonjësit e medias, por janë nisur nga lart.
2 gjëra më vijnë në mendje me ngut…
1. Në precedentin e ndodhur 5 vjet në parë sekuestrimi i televizionit u konsiderua dëm dhe mbyllja e tij sulm politik. Ndoqi ritmin e vet, atë të drejtësisë. Edhe procesi aktual do të ndjekë udhën e tij, por me gjithë precedentin ndodh të sekuestrohen media me lehtësi të jashtëzakonshme dhe në procedura të paqarta.
2. Në kaq vite, në media kanë ardhur të gjithë, kanë qënë aty me fjalët më të mira e urimet për punë të dobishme nga gazetarët. Nëse në 3 gusht 2020, në kulmin e një zhegu përcëllues, kur një pjesë punonjësish kanë nisur pushimin e merituar, Forcat e Ndërhyrjes së Shpejtë, me armatim të rëndë rrethojnë me pamje terrorizuese një media, kujt dhe si po i jepet mesazhi? Pronarit jo e jo, do mjaftonte sekuestrimi i llogarive personale deri në justifikim të pasurive. Aty punojnë njerëz, që nën presion politik kanë, që prej dy vjetësh, të paktën qëkurse punoj aty. Si ka mundësi vepron drejtësia në një kahje, tek pronari, por le në mëshirë të fatit punonjësit, që presin drejtësi në SPAK? Pra terrori shkon tek gazetarët e të gjithë ata, që punojnë në profesionin e tyre.
Më kujtohet si u lanë pa punë 500 punonjës në zhegun e tmerrshëm të 5 viteve më parë. Sot po të njëjtët dhe gjithë shqiptarët do paguajmë kusuret e arbitraritetit. Më shumë se dhuna shtetërore, ndjell keq heshtja e njerëzve. ” /abcnews.al/
