Një 35-vjeçare është arrestuar nga policia e Vlorës pasi akuzohet se një ditë më parë ka ushtruar dhunë fizike ndaj ish-partnerit të saj.
Sipas policia ajo e ka përndjekur atë si dhe i ka thyer telefonin. Tashmë materialet hetimore i kanë kaluar prokurorisë për veprime të mëtejshme hetimore.
“Po nga specialistët për Hetimin e Krimit në Komisariatin e Policisë Vlorë është arrestuar në flagrancë shtetasja A. Ç., 35 vjeçe, banuese në Vlorë, pasi në datën 26.10.2020, ka kryer veprime në kundërshtim me vendimin e gjykatës, ka ushtruar dhunë fizike, ka përndjekur ish-bashkëjetuesin e saj dhe i ka thyer atij telefonin. Materialet iu referuan Prokurorisë, për veprime të mëtejshme”, njofton policia./mv. abcnews.al
