Partia opozitare në Maqedoni VMRO-DPMNE-së në konferencën e parë për shtyp pas votimit denoncoi se zgjedhjet u njollosën me parregullsi, prishje të procesit dhe veprime korruptive të qeverisë. VMRO-DPMNE shpreson për rezultate të mira dhe pret pjesëmarrje më të madhe në raundin e dytë.
Ata kanë dyshime për ryshfet në Prilep, Veles, Manastir, Dellçevë, Demir Kapi, Negotinë, Ohër dhe pjesë të Shkupit, për një incident brutal fizik të sulmit ndaj një gazetari dhe punonjësve të mediave në Prilep, për një tren bullgar dhe për mbushjen e kutive në Saraj, shkruan Alsat.
