Përveç rivalitetit që kanë në fushën e lojës derbi mes Interit dhe Milanit është ndezur për lojtarin e Benficas.
Zikaltërtit dhe kuqezinjtë janë në kërkim të një sulmuesi cilësor për sezonin e ri dhe drejtuesit e dy skuadrave kanë bërë “xing”, teksa synimi i tyre është i njëjti lojtar.
Sipas “A Bola” raportohet se bëhet fjalë për Darwin Nunez, për të cilin interes kanë shfaqur edhe Arsenali, Tottenham dhe West Ham, ndërsa dy skuadrat italiane kërkojnë me ngulm shërbimet e 22-vjeçarit.
Skuadra e Benficas për lojtarin uruguajan kërkojnë jo më pak se 60 milion euro. Nunez po josh shumë klube falë 26 golave të tij në 31 paraqitje, duke përfshirë atë që kualifikoi Benfikën në çerekfinalet e Champions League, teksa mposhti Ajax-in./f.a/abcnews.al
