Tre persona kanë rënë në prangat e policisë, pasi janë kapur duke ndihmuar 50 shtetas të huaj, emigrantë ilegalë, me destinacion final vendet e BE-së.
Të arrestuarit janë Donald Lleshi 24 vjeç, Muhedin Bajraktari, 30 vjeç, dh Marin Gjoka, 25 vjeç, për veprën penale “Ndihma për kalim të paligjshëm të kufijve”.
Sipas verifikimeve të kryera ka rezultuar se tre të arrestuarit në bashkëpunim me njëri-tjetrin, kundrejt përfitimeve monetare, do t’i transportonin 50 emigrantët e paligjshëm nga Tirana në drejtim të Kukësit, me qëllim kalimin e tyre në pikat kufitare, me destinacion final vendet e BE-së
Gjithashtu, u shpall në kërkim shtetasi D. Sh., 29 vjeç.
Njoftimi i policisë
Finalizohet operacioni policor i koduar “Tranzit 50”, për goditjen e veprimtarisë kriminale të dhënies ndihmë shtetasve të huaj, për kalim të paligjshëm të kufijve.
Operacioni, nga specialistët e Seksionit për Hetimin e Trafiqeve të Paligjshme në DVP Tiranë.
Vihen në pranga 3 shtetas që u kapën në flagrancë duke transportuar 50 emigrantë të paligjshëm, shpallet në kërkim bashkëpunëtori i tyre.
Procedohen penalisht edhe 50 emigrantët, për kalim të paligjshëm të kufirit.
Specialistët e Seksionit për Hetimin e Trafiqeve të Paligjshme në DVP Tiranë, në vijim të punës për goditjen e paligjshmërisë, në bazë të informacioneve të siguruara në rrugë operative se disa shtetas transportonin emigrantë, nga Tirana në drejtim të Kukësit, me qëllim kalimin e tyre në pikat kufitare, me destinacion final vendet e BE-së, organizuan dhe finalizuan operacionin “Tranzit 50”, për goditjen e kësaj veprimtarie kriminale.
Si rezultat i këtij operacioni u bë arrestimi në flagrancë i shtetasve:
– D. Ll., 24 vjeç, M. B., 30 vjeç, dhe M. Gj., 25 vjeç, për veprën penale “Ndihma për kalim të paligjshëm të kufijve”.
Gjithashtu, u shpall në kërkim shtetasi D. Sh., 29 vjeç.
Shërbimet e Seksionit për Hetimin e Trafiqeve të Paligjshme në DVP Tiranë, në bashkëpunim me Forcën e Posaçme Operacionale dhe Forcën e Posaçme “Shqiponja”, në fshatin Mëzez, në rrugën “7 Nëntori”, kanë konstatuar mjetet me drejtues shtetasit M. GJ. dhe M. B., brenda të cilëve ndodheshin 50 shtetas të huaj.
Sipas verifikimeve të kryera ka rezultuar se shtetasit M. Gj., M. B., D. Ll. dhe D. Sh., në bashkëpunim me njëri-tjetrin, kundrejt përfitimeve monetare, do t’i transportonin 50 emigrantët e paligjshëm nga Tirana në drejtim të Kukësit, me qëllim kalimin e tyre në pikat kufitare, me destinacion final vendet e BE-së.
Në vijim të veprimeve u proceduan penalisht 50 emigrantët e paligjshëm, për veprën penale “Kalimi i paligjshëm i kufirit shtetëror”.
Në cilësinë e provës materiale u sekuestruan 2 automjetet dhe 6 aparate celulare.
Materialet procedurale i kaluan Prokurorisë, për veprime të mëtejshme.
Njoftimi i policisë
