Edhe pse, pa teknikun Antonio Conte në krye të pankinës, Tottenham arriti të siguronte një fitore në derbin ndaj West Ham, me rezultatin e pastër 2 me 0.
Tekniku italian ka hyrë në fazën e rikuperimit pasi përfundimit me sukses, të operacionit në tëmth më 1 shkurt, por ende nuk është bërë me dije data fikse se kur do të kthehet 53-vjeçari dhe një gjë të tillë e ka konfirmuar dhe ndihmësi i tij, Cristian Stellini, në konferencën për shtyp pas ndeshjes, por kthimi i tij pritet me shumë mundësi në përballjen ndaj Milanit në UEFA Champions League.
“Nuk mendoj se do të jetë në stol në ndeshjen kundër Chelsea, por ai ndoshta do të jetë prezent javën e ardhshme kundër Wolverhampton ose kundër Milan në Champions League. Ne ende nuk e dimë vërtet, varet nga ai dhe si është, nëse ka dhimbje apo jo. Nëse ai ecën mirë, ai me siguri do të jetë atje”,- u shpreh ndihmësi i italianit. /i.m /abcnews.al
