Një 60-vjeçar i dënuar me dy vjet burg për ndërtim të paligjshëm ka rënë në prangat e policisë. Mësohet se ai në vitin 2023 ka ndërtuar pa lejen e organeve kompetente, një objekt, në zonë të mbrojtur në fshatin Theth, për qëllime turizmi.
Ndërkohë, materialet procedurale i kaluan Prokurorisë, për veprime të mëtejshme.
Njoftimi i policisë:
Malësi e Madhe/Vijon megaoperacioni “Sundimi i ligjit”, për kapjen e shtetasve të shpallur në kërkim.
I dënuar me 2 vjet burgim për ndërtimin e paligjshëm të një objekti, në fshatin Theth, kapet dhe vihet në pranga 60-vjeçari.
Në vijim të kontrolleve për kapjen e shtetasve të shpallur në kërkim, që kryhen në zbatim të masave të planit operacional “Sundimi i ligjit”, bazuar dhe në inteligjencën policore, shërbimet e Komisariatit të Policisë Malësi e Madhe kapën dhe ndaluan shtetasin:
60 vjeç, banues në fshatin Vrakë.
Gjykata e Shkallës së Parë e Juridiksionit të Përgjithshëm Shkodër e ka dënuar këtë shtetas, me 2 vjet burgim, për veprën penale “Ndërtimi i paligjshëm”, pasi në vitin 2023, ka ndërtuar pa lejen e organeve kompetente, një objekt, në zonë të mbrojtur në fshatin Theth, për qëllime turizmi./abcnews.al
