I vlerësuar me çmimin Nobel si një nga zbuluesit e sëmundjes së Sidës, Luc Montagnie është ndarë nga jeta në moshën 89 vjecaçre. Vitet e fundit ai u bë një pikë referimi për ata që kundërshtonin vaksinimin anti-covid dhe mbështetës i fortë i hidroksiklorokinës si mjekim për Covid-in, shkruan The New York Times.
Lajmi për ndarjen e tij nga jeta qarkullonte prej orësh në rrjetet sociale, por u konfirmua vetëm në momentet e fundit nga bashkëpunëtorë dhe familjarë të tij. Pyetjes së mediave për shkakun e vdekjes, bashkëpunëtori i tij më i ngushtë tha se nuk mund të jepte asnjë informacion, përvec faktit se ai ishte i qetë dhe i rrethuar nga familjarët e tij, shkruan abcnews.al
I lindur në 18 gusht 1932 në Shabri, pas një karriere të gjatë Luc Montagnie u vlerësua me çmimin Nobel në vitin 2008. Por ai është vlerësuar me shumë çmime te tjera dhe pse në dekadat e fundit të jetës profesori shkaktoi shumë polemika pasi mbështeste teori anti shkencore.
Në vitin 2010 ai deklaronte se Sida mund të zhdukej me një skemë të vecantë ushqyerjeje; si dhe për përdorimin e papajës kundër Sars dhe Parkinson. Montagnie publikoi shumë teza kundër vaksinave anti-covid, dhe mbështeti teori konspiracioni në lidhje me Covid.
/abcnews.al
