Loading ...
Nga Europa nuk janë vetëm emrat që tashmë i dimë.
Në NBA nuk shkëlqejnë thjesht një Luka Doncic, Nikola Jokic, Viktor Uembanijama apo Janis Adetokumbo.
Kësaj katërsheje të madhe po I bashkohet dalë nga dalë një ylli ardhur nga Turqia, një vend jo edhe aq i dalluar për sportin e basketbollit.
Alperen Shengyn, ashtu siç e tregoi në Kampionatin Europian, ka arritur një nivel për të qenë ndër më të mirët në parketet e Arenave amerikane, dhe ja ku u tregua përcaktues në sfidën që Hjustoni e luajti në Indiana.
Skuadra e mbiquajtur “Raketat” triumfoi ndaj Pejsërsave vendas 118-114, dhe Alperen ishte numri 1.
Ai shënoi 39 pikë, kapi 16 topa në tabela dhe shërbeu 5 asistë.
Nuk është ende një mjeshtër për tripëll dabëll, por ka kohë që të bëhet I tillë.
E vërtetë që Xhabari Smith dhe Amin Tompson e ndihmuan, por u desh kontributi I tij që të arrihej suksesi jashtë fushe.
Falë nivelit të Alperenit, skuadra nga Teksasi është pretendente për titull këtë sezon në NBA, duke mbajtur vendin e katërt në Perëndim, vetëm një fitore prapa San Antonios që është e dyta.
Shengyn është në standarde të larta me mesataren për ndeshje mbi 21 pikë, gati 10 topa në tabela dhe mbi 6 asistë.
