Mbrojtësi i kombëtares shqiptare, Naser Aliji ka përfunduar aventurën te Dinamo Bukuresh. Futbollisti pranë rikthimit në futbollin zviceran
Mbrojtësi i kombëtares shqiptare, Naser Aliji ka përfunduar aventurën tek skuadra e Dinamos së Bukureshtit. Aliji zhvilloi një sezon pozitiv me skuadrën rumune por kërkon një tjetër eksperiencë. Mbrojtësi shqiptar ka zhvilluar 16 takime me skuadrën e Dinamos që prej transferimit në kampionin rumun rreth 8 muaj më parë.
Aliji është aktivizuar në Zvicër me skuadrën e Basel por pritet të nisë një aventurë të re në një tjetër skuadër.
Naser Aliji është pjesë e kombëtares shqiptare prej vitit 2015 ku vendosi të përfaqësonte ngjyrat kuq e zi pas largimit nga grup moshat e Zvicrës. Mbrojtësi anësor ka luajtur gjithmonë në nivele mesatare. Tek kuqezinjtë nuk ka mundur të fitojë vendin e titullarit por mbetet një pikë e rëndësishme në korsinë e majtë./ABC News Albania 24/7
