Teleskopi Hapësinor James Webb zbuloi diçka të veçantë në atmosferën e planetit Jupiter.
Studiuesit përdorën kamerën infra të kuqe (NIRCam) për të kapur një seri imazhesh të Jupiterit me dhjetë orë largësi, duke aplikuar katër filtra të ndryshëm për të zbuluar ndryshimet në atmosferën e planetit.
Drita infra e kuqe është e padukshme për syrin e njeriut, kështu që aftësitë e teleskopit hapësinor vitin e kaluar arritën të dallonin shumë tipare qiellore të papara më parë, të tilla si mega-grumbullimet e yjeve të rinj dhe çifte të papritura objektesh yjore.
“Është diçka që na befasoi”, tha Ricardo Hueso, profesor i fizikës në Universitetin e Bilbaos dhe udhëheqës i hulumtimit të botuar në revistën shkencore Nature Astronomy.
“Ajo që ne kemi parë gjithmonë si mjegull në atmosferën e Jupiterit tani duket si tipare të mprehta që mund t’i gjurmojmë së bashku me rrotullimin e shpejtë të planetit,” shpjegoi Hueso.
Jupiteri, një gjigant gazi, është planeti më i madh në sistemin tonë diellor me një masë rreth 320 herë më të madhe se Toka. Atmosfera e tij përbëhet kryesisht nga Hidrogjeni dhe Dielli me sasi të vogla metani, avulli uji dhe amoniaku, ndërsa tipari më mbresëlënës është Njolla e Kuqe e Madhe, një anticiklon i përhershëm, katër herë më i madh se diametri i Tokës.
