Rusia kontrollon 22 për qind të tokës bujqësore të Ukrainës dhe lufta po kërcënon të korrat e verës, e cila mund të përkeqësojë më tej krizën globale të ushqimit , sipas studiuesve të NASA-s.
“Shporta e bukës në botë është në luftë dhe ne jemi në fazat e hershme të një krize ushqimore që ka të ngjarë të prekë çdo vend dhe çdo person në botë në një farë mënyre,” shpjegoi Inbal Becker-Receif.
Bazuar në imazhet satelitore të marra më 13 qershor nga misioni Sentinel-2 i Agjencisë Evropiane të Hapësirës dhe të analizuara nga ekspertët e Programit, 22% e tokës bujqësore të Ukrainës është nën kontrollin rus në lindje dhe jug të vendit.
Në këto zona rriten 28% e drithërave të dimrit (gruri, elbi, thekra) dhe 18% e drithërave verore (misri dhe luledielli), shpjegon NASA .
Para pushtimit rus të 24 shkurtit, Ukraina furnizonte 46% të prodhimit botëror të vajit të lulediellit. 9% e eksporteve të grurit, 17% e elbit dhe 12% e misrit kanë ardhur gjithashtu nga ky vend, sipas të dhënave të Departamentit Amerikan të Bujqësisë. /abcnews.al
