NASA është gati për të nisur misionin e parë të mbrojtjes planetare në botë. Testi i Ridrejtimit të Dyfishtë të Asteroidit (DART) është planifikuar të nisë më 23 Nëntor dhe është një mision i përbashkët me Laboratorin e Fizikës së Aplikuar Johns Hopkins. Anija kozmike, DART do të lëshohet nga baza e forcave hapësinore Vandenberg, Kaliforni, me një raketë SpaceX Falcon 9.
Anija kozmike është projektuar për t’u përplasur me asteroidin Dimorphos dhe do të përpiqet të ndryshojë orbitën e tij brenda sistemit binar. Ekipi do të analizojë më pas nëse kjo në të vërtetë ndryshon drejtimin e asteroidit dhe sa funksionon ky sistem për skenarët e ardhshëm të mbrojtjes planetare. Asteroidi nuk përbën kërcënim për planetin por ky test ndihmon NASA-n të përgatitet për përplasjet e ardhshme.
Static fire test complete – targeting Tuesday, November 23 at 10:21 p.m. PT for Falcon 9’s launch of @NASA’s Double Asteroid Redirection Test
— SpaceX (@SpaceX) November 19, 2021
SpaceX ka njoftuar në Twitter se “Testi statik i zjarrit përfundoi – duke synuar të martën, 23 nëntor në orën 22:21. PT për nisjen e Falcon 9 të @NASA. Testi i Ridrejtimit të Dyfishtë të Asteroidit. NASA do të rrëzojë qëllimisht anijen kozmike DART në një asteroid për të parë nëse kjo është një mënyrë efektive për të ndryshuar kursin e tij, nëse një asteroid kërcënues për Tokën zbulohet në të ardhmen.“, njofton SpaceX në Twitter. /abcnews.al
