Aktivistja iraniane për të drejtat e grave, Narges Mohammadi, fituese e çmimit Nobel për Paqen 2023 dhe tashmë e burgosur në vendin e saj, është dënuar me një tjetër vit burg.
Aktivistja 52-vjeçare ndodhet në burg që nga nëntori i vitit 2021 ku po vuan disa dënime për kundërshtimin e hixhabit të detyrueshëm dhe dënimit me vdekje në Republikën Islamike.
Ndër arsyet e dënimit të ri, është thirrja për bojkotimin e zgjedhjeve parlamentare, letra drejtuar parlamentarëve suedezë dhe norvegjezë. Mohammadi refuzoi të merrte pjesë në gjyqin e saj në Teheran në fillim të këtij muaji dhe në mars ajo ndau një mesazh audio nga burgu që denonconte “luftën në shkallë të plotë kundër grave” në Iran.
/abcnews.al
