Myrto Uzuni e ka nisur mirë këtë vit dhe janë shifrat ato që flasin më së miri. Në takimin e fundit, që Lokomotiva Zagreb e fitoi në transfertë 1-3 kundër Gorica, sulmuesi nga Berati ia doli të shënonte dy gola dhe të jepte kështu një kontribut të rëndësishëm në fitoren e skuadrës së tij.
Uzuni, në shtatë ndeshjet e fundit ia ka dalë të shënojë 6 gola dhe ka shërbyer dy herë për shokët e tij. Lokomotiva Zagreb ka marrë rezultate pozitive dhe momentalisht renditet në vendin e tretë, falë edhe asaj që kanë bërë Uzuni, Kastrati, Çokaj, Mersinaj dhe Tuci në fushë.
Beratasi, për faqen zyrtare të klubit, kërkon që të mos flasin shumë: “E meritojmë vendin e tretë në klasifikim. Jemi të gatshëm për çdo gjë, por nuk duam të dalim me deklarata të mëdha. Duhet të flasim më shumë në fushë dhe më pak në media”. /abcnews.al
