Një sezon zgjati aventura e Artur Maganit me ekipin e Ballkanit në IPKO Superligë. Sulmuesi 26-vjeçar, me anë të një postimi në rrjetet sociale, ka zyrtarizuar ndërprerjen e bashkëpunimit me klubin dardan.
Ekipi nga Suhareka ishte surpriza më e bukur e sezonit të fundit në Kosovë. Djemtë e Munishit e mbyllën kampionatin në vend të tretë dhe luajtën finalen e Digitalb Kupës së Kosovës, që e humbën 1-0 ndaj Prishtinës.
“Nga sot jam lojtar i lirë. Falënderoj të gjithë shokët e. ekipit të FC Ballkanit dhe Ismet Munishin, për mua trajneri më i mirë në Kosovë“, shkruan Magani. /abcnews.al
