Një ndër mungesat që ra në sy në evenimentin e bamirësisë që u zhvillua mbrëmjen e kaluar në “Air Albania Stadium” ishte Lorik Cana. Ish-kapiteni legjendar i kombëtares ishte programuar të zbriste në fushë, por diçka e tillë nuk ndodhi.
Mungesa ka qenë e justifikuar dhe gjithçka lidhet me shkaqe familjare. Loriku po pret të bëhet baba për herë të dytë dhe i ka lajmëruar organizatorët e SFPSH dhe FSHF ditë më parë se nuk mund të ishte i pranishëm në Tiranë për këtë turne solidariteti.
Familja Cana ka një djalë dhe ai quhet Bojken, teksa Monika, gruaja e Lorikut është në muajt e fundit të shtatzënisë dhe Bojkeni do të bëhet së shpejti me një vëlla ose motër. /abcnews.al
