Nëse udhëtoni me makinë për rreth një ose dy orë jashtë Pekinit dhe Shangait, do të hasni në shumë qytete moderne kineze. Nuk është rastësi që aktualisht ka rreth 65 milionë apartamente të lira në të gjithë Kinën, një numër që është i aftë të strehojë të gjithë popullsinë e Francës.
Ky numër korrespondon me 21% të banesave në dispozicion. Me pak fjalë, më shumë se 1/5 e apartamenteve në Kinë janë mbyllur. Në Lindjen e Largët, këto qytete quhen “fantazma” dhe janë rezultat i shpërthimit të pasurive të paluajtshme, që ndodhi vitet e fundit dhe që mbështeti në masë të madhe mrekullinë e zhvillimit të vendit.
Qyteti më i famshëm fantazmë është Ordos New Town ose Kangbashi, i cili ndodhet pranë kufirit me Mongolinë. Në fillim të vitit 2000, popullsia tejkaloi një milion. Nga viti 2016 e tutje, megjithatë, filloi shkretëtirëzimi, me popullsinë që nuk i kalon 100,000.
Sipas ekspertëve, fenomeni i qyteteve fantazmë është unik në Kinë, pasi nuk është një qytet i braktisur, me objekte dhe ndërtesa të vjetra. Në vend të kësaj, ato janë qytete moderne, me ndërtesa dhe objekte moderne. Problemi, megjithatë, qëndron në bilancin negativ midis ofertës dhe kërkesës.
Çdo vit, Kina ndërton rreth 15 milionë shtëpi të reja, pesë herë më shumë se në Shtetet e Bashkuara dhe Evropë.
“Problemi është se Kina ka mbivlerësuar perspektivën e urbanizimit” tha Li Gan, një profesor në Universitetin e Teksasit. Aktualisht, 61% e popullsisë jeton në qytete, kur dy dekada më parë ishte vetëm 35.8%./ Abcnews.al
