Trajneri i Napolit, Gennaro Gatusso, foli menjëherë pas fitores 0-1 kundër Interit. Në San Siro, u zhvillua ndeshja e parë gjysmëfinale e Kupës së Italisë mes dy skuadrave dhe Napoli, hodhi një hap shumë të madh për të arritur finalen.
“Urime djemve! Do të dëshiroja ta shikoja këtë shpirt gare edhe në ndeshjet e ardhshme. Pjesën e parë, e mbajtëm më mirë topin. 20 minutat e para të pjesës së dytë, nuk kaluan shumë mirë për ekipin tim dhe në këto situata, pres diçka më shumë.
Ne nuk mund të nënvlerësojmë asgjë. Gjithmonë duhet të punojmë si ekip dhe të bëjmë mirë si në aspektin mbrojtës, ashtu dhe në atë sulmues”, tha shkurtimisht Gatusso./abcnews.al
