Në fund të muajit Korrik, Mozzik publikoi albumin që mban titullin “Mozzart”, dhe pak ditë më pas ndërmori një tur nëpër Kosovë për të shpërndarë CD falas për fansat e tij, për shkak të krizës së shkaktuar nga Covid-19. Por, qeveria e Kosovës anuloi turin me arsyetimin se nga grumbullimet masive rrezikohet jeta e qytetarëve.
Megjithatë, krijuesi i hitit “PP” premtoi se do të gjente një mënyrë tjetër për të bërë të mundur shpërndarjen e albumit. Së fundmi, reperi ka bërë një gjest mjaft të veçantë, i cili ka vendosur të shpërndajë CD-të në disa nga burgjet e Kosovës. Mozzik ka postuar një video në rrjete sociale, teksa ka vizituar të rinjtë, krahas së cilës shkruan:
“Të̇ gjithë nuk e patëm fatin e njëjtë! Sot vizitova të gjithë të miturit në Qendrën Edukuese Korrektuse në Lipjan, vazhduam në burgun e Lipjanit dhe në burgun e Smrekonicës pashë të rinjtë. Shpreha vullnet e me shumë dashuri ua dhashë nga një album(cd) timin, ngaqë këta janë edhe ndëgjues të flaktë të muzikës sime.
Rruga që zgjodhën shumë të rinj nuk ishte e lehtë andaj sot vuajnë dënimet nga veprimet e gabimet e tyre.
Pendimi e përmirësimi i të kaluarës është virtyt i lartë i njeriut. Shkëmbyem fjalë e pyetje dhe përgjigje sa patëm mundësi. Ju thashë për fund paçi shëndetin e iu pafsha në liri sa më shpejtë!“, shkruan reperi. /abcnews.al/
