Loading ...
Tottenham ishte afër marrjes së fitores në një fushë të vështirë si ajo e Wolves, por “Ujqit” gjetën golin në minutat e fundit dhe takimi përfundoi në barazim 1-1.
Një rezultat që ka lënë shije të hidhur te Jose Mourinho, aq më tepër që Spurs kaluan në avantazh që në minutën e parë. Trajneri portugez analizoi takimin e mbrëmjes së kaluar, ku ndër të tjera tha:
“Një pikë ndaj Wolves normalisht nuk do të ishte e keqe, pasi ata janë një ekip i fortë. Por të shënosh gol në minutën e parë dhe të kesh 89 minuta të tjera kohë për të mbyllur ndeshjen dhe të mos e bësh, atëherë zemërohesh.
Ekziston ndjenja e zhgënjimit. Tani kemi një mundësi tjetër ndaj Fulham, që është një skuadër që po luan mirë. Do të jetë një sfidë e vështirë. Kemi luajtur kohët e fundit me ekipe të mëdha, tani nuk do e kemi të thjeshtë ndaj Fulham dhe Leeds.
E njoh mirë skuadrën time, askush nuk e njeh më mirë se unë. Ndaj Wolves na mungoi diçka: ambicia për të bërë diçka më shumë“, deklaron Jose Mourinho. /abcnews.al
