Tottenham u mposht 3-1 dje në mbrëmje nga Bayern Munchen, të cilët e mbyllën në mënyrë të përkryer grupin B. Para dy muajsh në ndeshjen e parë mes dy ekipeve në Londër, gjermanët turpëruan vendasit me rezultatin tenistik 7-2. Megjithatë trajneri Mourinho kërkon sërish një ndeshje me Bayernin.
‘’Dëshira ime është që ne të vijmë sërish këtu për të luajtur në çerekfinale ose gjysmëfinale, pasi në fazën tjetër ne nuk mund të luajmë bashkë për shkak të shortit. Dëshiroj të vijmë këtu për të luajtur një ndeshje të vërtetë, ashtu siç dëshirojmë të gjithë,’’ tregon Mourinho në konferencën pas ndeshjes.
‘’Humbja 7-2? Jam përpjekur për ta injoruar se çfarë ka ndodhur në ndeshjen e parë. Jam munduar për ta fshehur nga lojtarët. Nuk kam bërë asnjë analizë të asaj ndeshjeje me stafin dhe lojtarët. Ishte e rëndësishme për në që ta mbyllnim ndeshjen këtu në Mynih me kokën lart, por dua sërish një sfidë me ta,’’deklaron tekniku portugez. /abcnews.al
