Polemikat pas ndeshjes Borussia M’Gladbah-Real Madrid ishin të shumta, për shkak të një video që qarkulloi dhe që shfaqte sulmuesin Karim Benzema duke komunikuar me mbrojtësin Mendy. Në media u raportua se francezi i sulmit i kërkoi shokut të skuadrës mos t’i pasonte Vinicius Junior.
“Ai bën atë që dëshiron. Vëlla, mos luaj me të! Të betohem në jetën e nënës time. Ai po luan kundër nesh”, ishin fjalët e thëna nga Benzema, ndërkohë që te Real Madrid më pas bënë me dije se mes lojtarëve nuk kishte asgjë dhe se kishin një marrëdhënie shumë të mirë.
Së fundmi vetë Vinicius, në një prononcimim për iberiken ABC, ka reaguar dhe ka sqaruar gjithçka: “Ishte thjesht zhurmë dhe zhurma nuk është për mua. Mes profesionistëve të futbollit ne e dimë shumë mirë se çfarë është. Ka kode që nuk i njihni. Unë dhe Karim nuk jemi vetëm shokë skuadre. Jemi profesionistë dhe e njohim mjedisin ku veprojmë. Marrëdhënia ime me të është e shkëlqyeshme”. /abcnews.al
