Der Spiegel e konsideron një poshtërim për Brukselin mos hapjen e negociatave për Maqedoninë e Veriut dhe Shqipërinë. E ndërsa për Shkupin konsiderohet si një befasi e vërtetë “jo”-ja, për Tiranën pranohet arsyetimi se ka ende problem të mëdha për të zgjidhur, sidomos me mafien e drogës.
Bashkimi Europian i premtoi qartë Shqipërisë dhe Maqedonisë së Veriut se do të hapte negociatat për anëtarësim dhe e shkeli atë premtim. Duke bërë që politikanët e këtyre dy vendeve të kthehen të turpëruar nga Brukseli, dhe ajo që pritet të ndodhë nuk është dicka e mirë.
Kështu e nis shkrimin e saj Der Spigel duke shtuar se Bashkimi Europian ka premtuar anëtarësim për të gjashtë vendet e Ballkanit Perëndimor, një premtim që ka mbetur një pikëpyetje për shumë kohë pasi lodhja nga zgjerimi është përhapur në BE
Por tashmë për herë të parë BE ka krijuar një të carë në botë pasi me veto-n e Francës Shqipëria dhe Maqedonia e Veriut nuk i hapën negociatat.
Janë të shumtë liderët europianë që e konsideruan një gabim historik. Ajo që nuk kuptohet qartë është mohimi që iu bë Shkupi dhe ashtu si pritej vendimi i Brukselit shkaktoi një krizë politike në vend. Kryeministri Zaev e cilësoi si një padrejtësi të madhe historike dhe kërkoi zgjedhje të parakohshme për vendin në muajin prill ndërsa dorëheqja e tij do të bëhet në muajin Janar.
Fiks një vit pasi Maqedonia ndryshoi emrin e saj në Maqedoni të veriut pas më shumë se tre dekadash konflikt me vendin fqinj Greqinë. Kjo nuk ishte vetëm një marrëveshje historike por dhe shumë poshtëruese për pjesën më të madhe të maqedonasve. Por çdo gjë u bë në këmbim të hapjes së negociatave për anëtarësim në BE.
Der Spigel thekson se Maqedonia e veriut është aktualisht i vetmi vend në Ballkanin perëndimor që ka vendosur në mënyrë serioze baza demolratike, ligjin, rendin dhe reformat kushtetuese. Që nga revolucioni I 2016-ës Maqedonia e veriut ka qenë një shembull I mirë në rajon
Por në rastin e Shqipërisë, refuzimi për hapjen e negociatave është më I kuptueshëm vijon më tej shkrimi. Reformat kushtetuese, ligji dhe rendi janë ende të bllokuara në vend.
Dhe me kryeministrin socialist Edi Rama, në pushtet që nga viti 2013, I dyshuar se mban partinë e tij në pushtet nëpërmjet krimit të organizuar, në mënyrë të vecvantë me mafien e drogës. Vetë Rama i njohur në perëndim për paraqitjen e tij me atlete dhe i admiruar si artist, kultivon një stil autoritar në rritje në politikën e brendshme
Rifillimi i dialogut mes Kosovës dhe Serbisë, nga ana tjetër mund të jetë sërish në qendër të vëmendjes së BE-së dhe mund të ndodhë me ndërmjetësimin e dy të dërguarve special: Palmer dhe Grenell. Por është më e mundshme që të dy vendet të intensifikojnë luftën e tyre diplomatike.
Skenari për Shqipërinë e Madhe mund të transformohet në një perspektivë politike afatgjatë. Përkundër zërave politike, megjithatë, vendimi i samitit të BE-së nuk do të thotë që Rusia, Kina ose Turqia në rajonin e Ballkanit Perëndimor do të hidhen në hendekun e lënë nga Brukseli.
Në fund të fundit, Rusia dhe Turqia në veçanti nuk kanë mjetet financiare si Europa e cila aktualisht po investon në rajon. Padyshim, Rusia, Kina dhe Turqia do të dinë të shfrytëzojnë mospërputhjen e BE-së. Në të ardhmen, Ballkani Perëndimor do të bëhet një zonë gri edhe më konfuze gjeopolitike./ABC News Albania
