Kjo është arsyeja pse rezultatet mund të jenë të pasakta dhe të ndryshojnë ndjeshëm. Ja se si të shmangni gabimet që bëjnë shumë njerëz:
1.Matjet në shtëpi mund të jenë jo të besueshme dhe shpesh të shkosh te mjeku është jopraktike dhe e lodhshme, por mund të kontrollosh presionin e gjakut edhe në një farmaci. Në farmaci duhet të përdoren vetëm pajisjet për matjen e presionit të gjakut të kalibruar dhe miratuar nga Shoqata Evropiane e Hipertensionit.
2.Efekti i palltos së bardhë. Ndonjëherë është e mundur të merrni më shumë vlera nëse matni presionin në zyrën e mjekut ose në një farmaci, ndaj është e nevojshme të përsërisni matjen disa herë në shtëpi.
3.Matja bëhet më së miri në mëngjes ndërmjet orës 9 dhe 10 ose ndërmjet orës 17 dhe 18.
4.Para matjes është e nevojshme të pushoni të paktën 5 minuta.
5.Pa kafe, alkool dhe cigare. Para matjes këto janë substancat që duhet të shmangni. Gjithashtu nuk këshillohet të bëni punë të rënda fizike.
6.Asnjëherë mos i kryqëzoni këmbët. Uluni në karrige në mënyrë që të jeni rehat dhe hiqni qafe veshjet e tepërta që ju shtrëngojnë krahët.
7.Tre matje. Gjatë matjes, personi nuk duhet të lëvizë ose të flasë. Shpesh, matja përsëritet tre herë dhe nëse rezultatet, pra mesatarja, janë më të larta se 135/85 mmHg, dyshohet për hipertension.
8.Rishikimi i kontrollit.
9.Një rritje e presionit të gjakut nuk do të thotë domosdoshmërisht një sëmundje kronike, prandaj është e nevojshme të përsëritet ekzaminimi, në mënyrë që mjeku të përshkruajë terapinë adekuate./abcnews.al
