Një 31-vjeçar u morr peng me forcë në mes të qytetit të Burrelit. Ngjarja ndodhi pas një konflikti masiv në lagjen “Pjetër Budi”. 31 vjeçarit i vunë pistoletën në kokë dhe më pas e dërguan ne shtëpinë e njërit prej pengmarrësve i cili është shpallur në kërkim.
Në kërkim janë dhe dy persona të tjerë, ndërkohë që vetëm një person është arrestuar. Ka qenë e shpejte ndërhyrja e policisë e cila shkoi drejt e në bazën ku mbahej peng 31 vjeçari në fshatin Batër e Madhe.
Autorët kryesorë të ketij krimi mundën të largoheshin, dhe në pranga u vendos vetëm një 31-vjeçar. Sipas policisë, pengu dhe pengmarrësit kanë patur edhe më parë konflikt për motive të dobëta.
Gjatë kontrollit në vendin e ngjarjes është gjetur dhe sekuestruar nga policia një kallshnikov me 15 fishekë dhe automjeti tip “Mercedes Benz”, i përdorur nga autorët./ABC News Albania
