Policia suedeze lejoi sot një tubim të vogël para xhamisë më të madhe të Stokholmit, gjatë të cilit organizatori i tij do të djegë një kopje të Kuranit, në ditën e parë të festës së madhe myslimane të Kurban Bajramit.
“Policia ka dhënë leje që të bëhet tubimi, pasi ka vlerësuar se rreziqet e sigurisë nga fakti i djegies së Kuranit nuk janë të një natyre të tillë që të justifikojnë ndalimin e tij”, thuhet në vendimin e saj.
Tubimi do të zhvillohet në orën 13:30 përpara Xhamisë së Madhe të Stokholmit.
Çështja është e ndjeshme në Suedi, ku një demonstratë në janar përpara ambasadës turke në Stokholm, gjatë së cilës u dogj një kopje e Kuranit, zemëroi Ankaranë, e cila ende bllokon anëtarësimin e Suedisë në NATO.
Organizatori i tubimit, 37-vjeçari Salëan Momika, i cili thotë se është një refugjat irakian që dëshiron që Kurani të ndalohet, tha se donte të “shprehte këndvështrimin e tij”. “
Dua të gris Kuranin dhe ta djeg ”, ka shkruar ai në kërkesën që ka bërë në polici.
Sipas policisë suedeze, përveç Momikës, në demonstratë pritet të marrë pjesë edhe një person tjetër.
Policia e Stokholmit nuk kishte miratuar mbajtjen e dy demonstratave, më 6 dhe 9 shkurt , gjatë të cilave organizatorët e tyre do të digjnin Kuranin, pasi kishin vlerësuar se ekzistonte rrezik për rendin publik.
/abcnews.al
