Kur të vraponi nëpër pyjet e Amazonës do të keni gjithmonë frikën se do të kafshoheni nga një gjarpër helmues, megjithatë ndoshta nuk e dini por helmi i tij do t’ju mbrojë nga COVID-19.
Studiuesit brazilianë kanë gjetur se një molekulë në helmin e një lloji gjarpri pengoi riprodhimin e koronavirusit në qelizat e majmunëve, një hap i parë i mundshëm drejt një ilaçi për të luftuar virusin që shkakton COVID-19.
Një studim i botuar në revistën shkencore Molecules këtë muaj zbuloi se molekula e prodhuar nga gjarpri pengoi aftësinë e virusit për t’u shumuar në qelizat e majmunit me 75%.
“Ne ishim në gjendje të tregonim se ky komponent i helmit të gjarprit ishte në gjendje të frenonte një proteinë shumë të rëndësishme nga virusi”, tha Rafael Guido, profesor i Universitetit të Sao Paulos dhe autor i studimit.
Molekula është një peptid, ose zinxhir i aminoacideve, që mund të lidhet me një enzimë të koronavirusit të quajtur PLPro, e cila është jetike për riprodhimin e virusit, pa dëmtuar qelizat e tjera.
I njohur tashmë për cilësitë e tij antibakteriale, peptidi mund të sintetizohet në laborator, tha Guido në një intervistë, duke e bërë kapjen ose ngritjen e gjarpërinjve të panevojshëm.
“Ne jemi të kujdesshëm në lidhje me njerëzit që dalin për të gjuajtur rreth Brazilit, duke menduar se do të shpëtojnë botën… Nuk është kjo!”, tha Giuseppe Puorto, një herpetolog që drejton koleksionin biologjik të Institutit Butantan në Sao Paulo. “Nuk është vetë helmi që do të shërojë koronavirusin”, shpjegoi ai.
Hulumtuesit më pas do të vlerësojnë efikasitetin e dozave të ndryshme të molekulës dhe nëse është në gjendje të parandalojë që virusi të hyjë në qeliza në radhë të parë, sipas një deklarate nga Universiteti Shtetëror i Sao Paulo (Unesp), i cili ishte gjithashtu i përfshirë në hulumtim.
Ata shpresojnë të testojnë substancën në qelizat njerëzore, por nuk dhanë afat.
Jararacussu është një nga gjarpërinjtë më të mëdhenj në Brazil, i gjatë deri në 2 metra. Ai jeton në pyllin bregdetar të Atlantikut dhe gjendet gjithashtu në Bolivi, Paraguaj dhe Argjentinë.l.k/abcnews.al
