Presidentja moldave Maya Sandu miratoi të mërkurën një dekret parlamentar për zëvendësimin e gjuhës shtetërore nga gjuha moldave në rumanisht.
“Sot kam miratuar një ligj që konfirmon të vërtetën historike dhe të pakundërshtueshme: gjuha zyrtare e Moldavisë është rumanishtja. Unë dua që gjuha rumune të na bashkojë të gjithë ne që jetojmë këtu dhe e duam këtë tokë,” shkroi Sandu në Facebook.
Sandu argumentoi se diçka e tillë në Rumani do të “bashkojë shoqërinë”. Projektligji u miratua me votat e Partisë pro-perëndimore të Veprimit dhe Solidaritetit dhe shkaktoi debate dhe protesta të ashpra në kryeqytetin Kishinau.
Deputetët e bllokut opozitar të komunistëve dhe socialistëve refuzuan të marrin pjesë në votim, duke theksuar se nisma bie ndesh me kushtetutën, në të cilën gjuha shtetërore quhet moldave.
Opozita ka njoftuar planet për të kundërshtuar masën në Gjykatën Kushtetuese të Moldavisë. Disa nga territoret e Moldavisë para vitit 1940 ishin pjesë e Rumanisë dhe Bukureshti vazhdon t’i konsiderojë ato si pjesë të saj dhe promovon idenë e bashkimit.
/abcnews.al
