Shefi ekzekutiv i Madernas, Stephane Banc ka deklaruar se kompania nuk do të presë që të përballet me ndonjë problem gjatë prodhimit të dozës përforcuese të vaksinës kundër koronavirusit, e cila do të mbrojë kundër variantit Omicron
Mediat e huaja bëjnë me dije se në reagimin e fundit Moderna ka bërë me dije se shpreson që të nisë testimet klinike vitin e ardhshëm për vaksinën e re, e cila do të mbrojë nga varianti Omicron, ndonëse tani është e fokusuar në dozën përforcuese.
“Duhen vetëm ndryshime të vogla për Omicron. Nuk pres probleme”, ka thënë Bancel gjatë një interviste me të përditshmen zvicerane, TagesAnzeiger. Kompania ka thënë se është duke pritur për informacion të vlefshëm për variantin e ri.
“Kjo gjë do të marrë një javë apo dy.Do të na duhen disa muaj para se të prodhojmë 500 milionë doza, pas marrjes së miratimit. Mirëpo kapacitetet tona janë shumë të mëdha tani, në krahasim me vitin e kaluar”, ka thënë Bancel
Kjo kompani ka prodhuar rreth 700-800 milionë doza të vaksinave kundër koronavirusit këtë vit dhe pret që të prodhojë numër më të madh të dozave më 2022, duke rritur prodhimin nga 100 milionë në 150 milionë doza në muaj./abcnews.al
