Mjeku psikiatër Gentian Cala i cili kishte marrë në trajtim autorin e masakrës në Pogradec, Olsi Çekiçi ka treguar se problemet e shëndetit mendor të viktimës kishin lindur si shkak i përdorimit të lëndëve narkotike.
Sipas tij ai ushtronte dhunë ndaj familjarëve sa herë ishte nën efektin e lëndëve narkotike.
https://www.youtube.com/watch?v=oJV-uAG33Cg
Ai nuk kishte pranuar të merrte mjekime ndërkohë që e ëma shkonte në qendrën e shëndetit mendor dhe kërkonte recetë ilaçesh për të birin.
Në dëshminë e dhënë një ditë më parë Çekiçi u shpreh se nuk pendohej për aktin e rëndë që kishte kryer pasi një ditë kjo gjë do të ndodhte.
Ky nuk është rasti i parë ku të sëmurë mendorë marrin jetë njerëzish. Një nga ngjarjet të rënda ka qenë ajo e Selenicës në 10 gusht 2018. Ritvan Zyka vrau me automakik 8 anëtarë të fisit të tij. Një tjetër ngjarje është edhe ajo në Memaliaj në shtator 2019.
33 vjeçari Arjan Shahaj vrau me sëpatë të atin e tij, 77 vjeç. Edhe Shahaj ishte me probleme mendore dhe i dënuar më herët me 12 vite për vrasje./abcnews.al
