Mjekët specialistë të Njësisë Mjekësore Ushtarake kanë kryer vizita mjekësore për banorët e fshatrave të thellë të Maliqit.
Këtë fundjavë, mjekët ushtarakë ishin në fshatin Strelcë të njësisë administrative Gore në bashkinë e Maliqit, pasi zona nuk ka shërbim mjeku dhe fshati ndodhet larg qytetit të Maliqit dhe Korçës. U kryen vizita patologjike, kardiologjike kryesisht për banorët e moshuar.
Kjo nuk është hera e parë që mjekët ushtarakë kryejnë vizita nëpër fshatra të thellë dhe do të vijojnë të jenë pranë banorëve të këtyre zonave të thella, kudo dhe kurdo ku ky shërbim kërkohet nga autoritetet vendore./abcnews.al/
