Kryetari i Bordit të Drejtorëve të prodhuesit të dytë më të madh të naftës në Rusi, Lukoil, Ravil Maghanoz, u gjet sot i pajetë në rrethana të paqarta.
Nuk dihet se çfarë e ka shkaktuar rrëzimin e biznesmenit.
Ravil Mahganov ra sot nga dritarja e katit të gjashtë nga spitali ku po trajtohej. Deri më tani nuk ka pasur asnjë koment nga kompania e naftës ku bosi rus punonte.
Maganov mori pozicionin e zëvendëspresidentit të parë ekzekutiv për Kërkim dhe Prodhim në Lukoil në vitin 2006. Përveç kësaj, ai ka qenë anëtar i Bordit të Drejtorëve që nga viti 1993 dhe është një ekspert i dalluar për Naftën dhe Gazin Natyror të Federatës Ruse.
Lexo edhe: Bosi i naftës ruse bie nga kati i gjashtë i spitalit, vdes në vend
Ravil #Maganov, head of the Board of Directors and Vice President of #LUKOIL, died after falling out of a hospital window.
Ravil Maganov was the brother of Nail Maganov, the CEO of #Russia‘s largest oil company, Tatneft. pic.twitter.com/BLA4dUBfZr
— NEXTA (@nexta_tv) September 1, 2022
Ai u bë mik i ngushtë i Vagit Alekperov, një prej themeluesve të kompanisë që dha dorëheqjen si kryetar i Lukoil në prill, një javë pasi Britania vendosi një ngrirje të aseteve dhe ndalim udhëtimi ndaj tij si pjesë e sanksioneve për veprimet ushtarake të Rusisë në Ukrainë. Urdhër konfiskimi i SHBA-ve për avionët “Lukoil”
Siç u bë e ditur sot, autoritetet kompetente të SHBA-së kanë në dorë një urdhër për sekuestrimin e një avioni me vlerë 45 milionë dollarë të PJSC ruse Lukoil.
Avioni fluturoi nga Rusia në kundërshtim me sanksionet e Departamentit të Tregtisë së SHBA-së kundër Moskës.
Lista e vdekjeve të çuditshme të oligarkëve po rritet
Gjithsej 7 oligarkë rusë, disa prej të cilëve ishin aktivë në sektorët e naftës dhe gazit, vdiqën në vitin 2022 në rrethana misterioze.
Në fillim të korrikut, manjati rus Yuri Voronov, i cili kishte lidhje me Gazprom të Rusisë, u gjet i vdekur nga një plumb në kokë.
Në maj, ish-kreu i Lukoil, Alexander Shubotin, u gjet i vdekur në moshën 43-vjeçare. Në shkurt, zyrtari i lartë i financave dhe sigurisë së Gazprom, 61-vjeçari Alexander Tyulakov, u gjet i varur në rezidencën e tij. Policia njoftoi se ai ka kryer vetëvrasje. Në fund të janarit, Leonid Shulman, një drejtues i lartë i Gazprom, u gjet i vrarë me thikë në banjën e shtëpisë së tij në Leninsky, pranë Shën Petersburgut./abcnews.al/
