Harry Maguire është mbrojtësi më i shtrenjtë në historinë e futbollit. Leicester City kreu një biznes të shkëlqyer me Manchester United verën e kaluar dhe shiti 27-vjeçarin te gjiganti anglez për shumën e 87 milion eurove.
Dita e djeshme ka qenë fatlume për shtatlartin anglez. Ai është bërë baba për herë të dytë. Gruaja e tij, Fern Hawkin ka sjellë një jetë një vajzë, e cila është quajtur Piper Rose, pikërisht nëntë muaj pasi kompletoi transferimin e tij në “Old Trafford”.
Një kuriozitet i bukur, pasi edhe djali i familjes Maguire erdhi në jetë 9 muaj pas fitores së Anglisë kundër Kolumbisë në duelin për një vend në çerekfinalet e Botërorit Rusi 2018. “Tre Luanët” triumfuan pas goditjeve të penalltive dhe Maguire u aktivizua si titullar atë ndeshje.
“Mirë se vjen në këtë botë të çmendur, vogëlushe! Piper Rose Maguire”, shkruan lojtari i kombëtares angleze, teksa kanë vërshuar lumë urimet e shumta të tifozëve. /abcnews.al
