Ish-drejtori sportiv i Milanit, Massimo Mirabelli, ka thënë për mediet italiane se Kessie do të ishte lojtari i duhur për Napolin, duke tërbuar jo pak tifozët e Milanit.
Mirabelli, për Football Italia, tha: “Kessie është një ndër mesfushorët më të mirë në Serie A. Jo më kot, katër skuadra të njohura janë vënë pas tij. Ai po vuan për momentin te Milani dhe besoj se një tansferim do t’i bënte mirë.
Për mendimin tim, do të ishte lojtari perfekt për mesfushën e Napolit”, tha mes të tjerash Mirabelli.
Kessie i është bashkuar Milanit në sezonin 2017/18 nga Atalanta dhe ka shënuar 13 gola në Serie A me kuqezinjtë./abcnews.al
