Presidenti i Francës, Emmanuel Macron, ka deklaruar se Kina mund të luajë një rol të rëndësishëm në luftën në Ukrainë për shkak të marrëdhënieve të saj të ngushta me Rusinë.
Macron, duke folur menjëherë pasi zbarkoi në Pekin për një vizitë shtetërore, tha se dialogu me Kinën ishte thelbësor.
“Dëgjojmë zëra gjithnjë e më shumë që shprehin një shqetësim të fortë për të ardhmen e marrëdhënieve midis perëndimit dhe Kinës që në njëfarë forme çojnë në përfundimin se ekziston një spirale e pashmangshme tensionesh në rritje,” tha Macron.
Për presidentin francez dhe presidentin e Komisionit Europian, von der Leyen është udhëtimi i parë në Kinë që nga viti 2019. Në këtë takim të dy presin që të hedhin poshtë çdo tension të mundshëm midis Kinës dhe Perëndimit.
Si Macron ashtu edhe Von der Leyen kanë thënë se duan të bindin Kinën që të përdorë ndikimin e saj mbi Rusinë për të sjellë paqen në Ukrainë ose të paktën të parandalojë që Pekini të mbështesë drejtpërdrejt Moskën.
/abcnews.al
