Gjermania ka premtuar se do të japë rreth 21 milionë dollarë në ndihmë humanitare për Ukrainën që të përgatitet për dimër, tha Ministrja e Jashtme gjermane Annalena Baerbock gjatë një vizite të papritur në Kiev të hënën.
Baerbock vizitoi një nënstacion elektrik jashtë Kievit, i cili ka qënë i sulmuar vazhdimisht.
“Furnizimi me energji ukrainase është goditur 1500 herë me raketa vetëm vitin e kaluar dhe vendi po përgatitet për dimrin e ardhshëm duke forcuar termocentralet e tij,” tha Baerbock gjatë një konference të përbashkët shtypi me homologun e saj ukrainas Dmytro Kuleba të hënën në Kiev.
Zyrtarët ukrainas i kanë kërkuar Gjermanisë që t’i siguronte Ukrainës raketa Taurus për mbrojtjen e vendit.
/abcnews.al
