Yoav Gallant dha dorëheqjen zyrtarisht në një ceremoni që e zëvendësoi atë me Israel Katz, ish-ministrin e jashtëm, pasi kryeministri Benjamin Netanyahu shkarkoi Gallant në fillim të kësaj jave.
Gallant falënderoi ushtrinë dhe paralajmëroi se “misioni i luftës nuk ka përfunduar ende; ne duhet të përmbushim detyrimin tonë moral dhe tradicional dhe qëllimi i luftës është të sjellë në shtëpi 101 pengjet e mbetura që nuk i kanë parë ende familjet dhe shtëpitë e tyre”.
Izraeli është tronditur nga shkarkimi i Gallant, me lajmin që shkaktoi protesta masive në të gjithë vendin. Shumë në Izrael e shohin Gallantin si zërin e vetëm të moderuar në një qeveri të ekstremit të djathtë dhe e shohin largimin e tij si një shenjë që qeveria e ekstremit të djathtë ka humbur interesin për kthimin e robërve të mbajtur në Gaza.
Katz, zëvendësuesi i tij, është një besnik i Netanyahut dhe ministër veteran i kabinetit për një kohë të gjatë.
Katz falënderoi Gallantin dhe tha se objektivat e luftës ishin “të ndalojë agresionin iranian dhe të mohojë aftësitë e tij, të vazhdojë shpërbërjen e Hamasit si një forcë qeverisëse dhe ushtarake dhe të mposhtë Hezbollahun”. Ai shtoi se kthimi i robërve ishte një “prioritet moral”.
