Ministri izraelit i Mbrojtjes Yoav Gallad tha se anëtarët e krahut ushtarak të Hamasit në Rripin e Gazës nuk janë më në gjendje për të luftuar, pas më shumë se katër muajsh lufte.
“Dyqind luftëtarë u dorëzuan në Spitalin Nasser, dhjetëra të tjerë në Spitalin Amal”, tha ai.
Për më tepër, zGallad argumentoi se udhëheqja e Hamasit në Rripin e Gazës, e udhëhequr nga Yahya Sinëar, ka humbur lidhjen me botën e jashtme.
“Organizata Hamas në Rripin e Gazës nuk po reagon, pasi nuk ka njeri që të flasë në terren”, tha ai.
Forcat e fundit të koordinuara të Hamasit janë në Rripin qendror të Gazës dhe në Rafah, në kufi me Egjiptin, vazhdoi ministri izraelit i Mbrojtjes. Kur ushtria izraelite të ndërmarrë veprime atje, nuk do të ketë njeri që t’i ndihmojë, asnjë iranian, asnjë mbështetje ndërkombëtare.
Pavarësisht thirrjeve nga një pjesë e komunitetit ndërkombëtar për të mos vazhduar, qeveria e kryeministrit izraelit Benjamin Netanyahu duket e vendosur të nisë një sulm në Rafah, në kufirin e mbyllur me Egjiptin, ku janë strehuar 1.4 milionë palestinezë.
Shumica e të zhvendosurve nga lufta atje jetojnë në kushte jashtëzakonisht të vështira.
/abcnews.al
