“Kina nuk do të bëjë asnjë lëshim për çështjen e Tajvanit,” tha ministri i jashtëm kinez Qin Gang, duke i quajtur kritikat perëndimore “absurde” dhe duke paralajmëruar se mund të ketë “pasoja të rrezikshme”.
Kina e konsideron Tajvanin provincën e saj, në pritje të ribashkimit me kontinentin pas përfundimit të Luftës Civile Kineze në 1949.
Ushtria kineze zhvilloi stërvitje ushtarake tre-ditore rreth ishullit në përgjigje të një takimi në SHBA me kryetarin republikan të Dhomës së Përfaqësuesve Kevin McCarthy me presidentin e Tajvanit Tsai Ing-ëen.
Bashkimi Eropian, SHBA dhe G7 lëshuan paralajmërime për Pekinin, duke i bërë thirrje që të mos sfidojë status quo-në në ngushticën e Tajvanit.
“Ai që luan me zjarrin do të digjet. Ne shpesh dëgjojmë deklarata nga të huajt që pretendojnë se Kina po sfidon rendin ndërkombëtar të bazuar në rregulla, duke u përpjekur të ndryshojë në mënyrë të njëanshme Tajvanin me forcë ose detyrim,” tha Qin Gang.
“Kjo logjikë është absurde dhe pasojat e saj janë të rrezikshme”, shtoi ministri i jashtëm kinez gjatë një ngjarjeje në Shangai, duke kundërshtuar “përcaktimin” e status quo-së nga Perëndimi që synon “të cenojë sovranitetin kombëtar kinez”.
Pekini ka ushtruar presion gjithnjë e më të fortë ushtarak dhe ekonomik mbi Taipei që kur Tsai Ing-ëen mori pushtetin në vitin 2016.
/abcnews.al
