Ministri i jashtëm grek Nikos Dendias do të vizitojë ditën e nesërme Prishtinën. Lajmi është bërë i ditur nga media kosovare lajmi.net.
Dendias do të ketë takime me kryeministrin e Kosovës Avdullah Hoti, kryetaren e parlamentit Vjosa Osmani dhe ministren e jashtme Meliza haradinaj.
Greqia është ndër pesë vendet anëtare të Bashkimit Evropian që ende nuk e ka njohur pavarësinë e Kosovës. Megjithatë Athina zyrtare ka intensifikuar kontaktet me qeverinë kosovare, duke mbështetur edhe dialogun Prishtinë-Beograd.
Dendias do të vizitojë edhe forcat greke të stacionuara në Kosovë. Së shpejti ai pritet të vizitojë edhe Tiranën./mv.abcnews.al
