Ministrat e jashtëm të BE këtë të martë janë mbledhur në Bruksel në kuadër të hapjes së negociatave për Shqipërinë dhe Maqedoninë e Veriut.
Ministrit gjerman të Shtetit për Evropën, Michael Roth, kjo është një mundësi e mirë për t’i trajtuar çështjet ballë për ballë, pas takimeve të shumta virtuale në nivele ministrore.
Roth përmes një postimi në rrjetin Social shkruan se vendimet e nevojshme janë nën hije nga konfliktet dy palëshe.
“Bëhet fjalë për besueshmërinë në Ballkanin Perëndimor. Në Këshillin e ministrave të BE-së do të diskutohet për fillimin e shpejtë të bisedimeve për integrimin e Shqipërisë dhe Maqedoninë e Veriut. Vendimet e nevojshme janë nën hije nga konfliktet dy palëshe”, shkruan Roth.
Ndër të tjera ministri gjerman iu bën thirrje vendeve anëtare të Bashkimit Evropian që të mendojnë në mënyrë strategjike dhe të kuptojnë se duhet të përmbushin detyrimet ndaj Shqipërisë dhe Maqedonisë së Veriut.
“Ju lutem, lejoni që çështjet dypalëshe të trajtohen në mënyrë bilaterale, pa bllokuar gjithë ecjen përpara. Le të mendojmë në mënyrë strategjike dhe të kuptojmë se duhet të përmbushim detyrimet tona ndaj Shqipërisë dhe Maqedonisë së Veriut tani. Faleminderit!”, shkruan ministri.e.su./abcnews.al
“Es geht um die ?? Glaubwürdigkeit im westlichen Balkan.” – @MiRo_SPD beim EU-Ministerrat #GAC für die rasche Aufnahme von Beitrittsgesprächen mit #Nordmazedonien+#Albanien: “Kein Verständnis, dass die notwendigen Beschlüsse von bilateralen Konflikten überschattet werden.” ?????? pic.twitter.com/QOLj4lDll4
— Germany in the EU (@germanyintheeu) June 22, 2021
