Loading ...
Në mbledhjen e qeverisë së Maqedonisë së Veriut, pritet që ministrat nga radhët e BDI-së ti dorëzojnë zyrtarisht kryeministrit Dimitar Kovaçevski dorëheqjet e tyre, e cila duhet të hyjë në fuqi kur opozita të mbështesë ndryshimet kushtetuese në Kuvend.
Ministri i Jashtëm, Bujar Osmani, përmes një deklarate për mediat ka thënë se dorëheqjet do t’i dorëzohen kryeministrit dhe do të nënshkruhen individualisht nga secili prej ministrave dhe do të aktivizohen automatikisht pas votimit të ndryshimeve kushtetuese, pas së cilës do të mbahen zgjedhjet.
BDI thotë se e kanë përmbushur kërkesën e opozitës OBRM-PDUKM, andaj tani ata duhet të mbajnë premtimin për votimin e ndryshimeve kushtetuese./abcnews.al
