Loading ...
Milani ishte klubi që lidhej më së shumti me transferimin e Everton Sousa Soares, por nuk bëri ofertën e duhur për futbollistin e Gremio. Sulmuesi i lindur në vitin 1996 po kalon një formë mjaft të mirë, teksa ka shënuar katër gola dhe ka dhënë tre asiste në tre sfidat e fundit të kampionatit.
Klubi brazilian ka nxituar të bindë sulmuesin anësor të nënshkruajë kontratën e re dhe raportohet nga ESPN.com.br se ka një marrëveshje që do të zgjasë deri në qershor të vitit 2022. Gjithçka është në kuadrin e fjalëve.
Gjithsesi, ndër të tjera zbulohet edhe klauzola që do të vendoset për largimin e Everton. Çdo klub që do e dëshirojë do të duhet ta paguajë 80 milionë euro dhe nuk do të ketë nevojë të bëjë negociata me Gremion. Mbetet të shihet nëse sulmuesi do të nënshkruajë rinovimin e kontratës. /abcnews.al
