Sulmuesi i Milanit, Mario Mandzukic, nuk do të jetë i gatshëm për derbin kundër Interit. Sipas raportmit të “Calciomercato.com”, kroati ka pësuar një dëmtim dhe si pasojë nuk do të mund të luajë dot të dielën.
Ish-lojtari i Juventusit e filloi si titullar duelin në Europa League kundër Crvena Zvezdas, por mesa duket ka pësuar një dëmtim të muskujve. Mësohet se ai nuk është stërvitur me pjesën tjetër të ekipit këtë mëngjes, duke konfirmuar kështu mungesën.
Kujtojmë që 34-vjeçari u transferua tek kuqezinjtë në merkaton e janarit dhe konsiderohet si zëvendësuesi ideal i Zlatan Ibrahimovic. Deri më tani Mandzukic ka luajtur shumë pak, vetëm pesë ndeshje, ku shumicën prej tyre është futur si zëvendësues në minutat e fundit. /abcnews.al
