Milan do të luajë ditën e enjte në Europa League ndaj Slavia Prague, nëj ndeshje vendimtare për këtë rrugëtim të kuqezinjve.
Tekniku Stefano Pioli, disa orë para fillimit të kësaj sfide, karikon skuadrën e tij, duke besuar se Milan mund të shkojë deri në fund të këtij turneu.
“Ne duhet të mendojmë se mund ta fitojmë këtë kupë. Fillimisht duhet të luajmë mirë për të kaluar në raundin tjetër. Ndoshtë është gabim të shikojmë shumë përpara, por duam të ëndërrojmë.
Ne po përballemi me një kundërshtar që ka humbur vetëm në Romë në fazën e grupeve. Natyrisht, brenda nesh kemi entuziazimin të mendojmë se mund të arrijmë deri në fund. Në Europë kemi bërë disa hapa të mëdhenj, por këtë gjë duhet ta tregojmë edhe një herë sot në fushën e lojës. Slavia është një ekip shumë intensiv, i cili vrapon shumë.
Ata luajnë me tre lojtarë sulmues që janë shumë afër, fizikë dhe të shpejtë. Kanë cilësi të mirë në përgjithësi dhe një trajner që e ka mbajtur nivelin e lartë për shumë vite, edhe kur ai bën shumë ndryshime.
Mbrojtia jonë tani po paraqitet mjaft mirë dhe duhet ta shfrytëzoj të gjithë potencialin e saj. Ne jemi Milan, kemi një histori të rëndësishme në Europë dhe duam të shkojmë deri në fund”, është shprehur Pioli./h.ll/abcnews.al
