Mijëra euro dhe lekë të falsifikuara, prokuroria e Elbasanit jep pretencën për 6 të arrestuarit: 50 € e shisnin me 1800 lekë

schedule20:20 - 5 Nëntor, 2022

schedule 20:20 - 5 Nëntor, 2022

ELBSAN – Prokuroria e Elbasanit ka mbyllur hetimet dhe ka dhënë pretencën, për 7 personat e arrestuar në Prill të vitit 2021 për falsifikim parash. ABC ka siguruar dosjen e Prokurorisë ku kërkohet nga 6 vite burg për të pandehurit, Klinton Boriçi, Jurgen Hoxhën, David Kullaun, Fiqiri Koçin, Nikolla Leshanakun. Prokuroria e Elbasanit në konkluzionet përfundimtare kërkon që secili prej tyre të vuaj një dënim prej 6 vitesh. Ata do të përfitojnë nga gjykimi i shkurtuar, uljen e 1/3 të dënimit.

Ndërkohë për të pandehurin Andi Lamani është kërkuar 9 vite burg në total. 6 vite janë kërkuar për “falsifikimin e parave” ndërsa 3 vite të tjera për dhënien ndihmë të paligjshëm për kalimin e kufijve. Edhe Adi Lamani do të përfitojë uljen e 1/3 të dënimit për shkak të gjykimit të shkurtuar.

Për sa i përket të pandehurit Mikel Mukja, 34 vjeç, banues në Elbasan, çështja është veçuar.

Në dosjen e siguruar nga ABC theksohet se Krimi Ekonomik në Elbasan ka marrë informacion se Andi Lamani dhe Klinton Boriçi qarkullonin para të falsifikuar. Policia ka mundur t’i sekuestrojë ndërsa u mësua se këto para në Elbasan janë sjellë nga Andi Lamani, banues në Fier. Këto para të falsifikuara sipas burimeve nga Prokuroria shiteshin me 1800 lekë të reja copa. Dyshohej se paratë ai i merrte nga Nikolla dhe Aleksandër Lleshanaku të cilët ishin edhe prodhuesit e këtyre parave.

Si ndodhi arrestimi

Operacioni u organizuar më 20 prill të 2021, ku 7 persona ranë në prangat e policisë së Elbasanit për shkak se akuzoheshin për falsifikim parash. NË atë kohë u arrestuan 7 persona pas një hetimi disa mujor nga Seksioni për Krimin Ekonomik dhe Financiar duke finalizuar operacionin e koduar “Ëorld Coins”. Të arrestuarit janë Andi Lamani, 29 vjeç, banues në Fier; Jurgen Hoxhaj, 26 vjeç, banues në Tiranë; Fiqiri Koçi, 31 vjeç, banues në Kavajë; Kliton Boriçi, 26 vjeç, banues në Elbasan; David Kullau, 48 vjeç, banues në Elbasan dhe Mikel Mukja, 34 vjeç, banues në Elbasan. Gjithashtu është arrestuar në flagrancë Nikolla Lleshanaku, banues në Elbasan.

Këta persona në bashkëpunim me njëri-tjetrin, akuzohen gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete si Elbasan, Tiranë, Fier etj. Gjatë aksionit të arrestimit, policia e Elbasanit ka sekuestruar edhe 150.000 lekë shqiptare të dyshuara si të falsifikuara, 2760 euro të dyshuara si të falsifikuara, 8 aparate celular, një presë që shërbente për prodhimin e kartëmonedhave, një presë elektrike që shërbente për prodhimin dhe ngjitjen e kartëmonedhave të dyshuara të falsifikuara, pllaka stampuese metalike dhe plastike që shërbenin për stampimin e tyre, shirita ngjitës, letër e bardhë kalk, fletë karboni, rulo me letër varaku, etj.

/abcnews.al/