Dhjetëra gazetarë të Microsoft janë shkarkuar nga puna për tu zëvendësuar me robotë, për të përzgjedhur lajmet në faqen MSN dhe shfletuesin e internetit Edge. 27 nga ata që humbin punën e tyre janë të punësuar nga PA Media në Mbretërinë e Bashkuar, ndërsa rreth 50 të tjerë preken në SHBA, raportojnë mediat e huaja.
“Si të gjitha kompanitë, ne e vlerësojmë rregullisht biznesin tonë. Kjo mund të rezultojë në rritje të investimeve në disa vende. Këto vendime nuk kanë ardhur si rezultat i situatës së krijuar nga pandemia.”, tha një zëdhënës i Microsoft.
Microsoft ka eksperimentuar me format e të ashtuquajturës gazetari robotike për të ulur kostot. Google gjithashtu po investon në projekte për të kuptuar se si kjo mund të funksionojë. /abcnews.al
