Kreu i Partisë së Lirisë, Ilir Meta ka thënë se Autoriteti i Dosjeve ka manipuluar faktet kundër tij, duke e quajtur gjithë zhurmën e krijuar, një lojë mediatike.
Meta tha në emisionin “Log.” Se ai do ta ndjekë çështjen në prokuori e më tej, ndërsa shtoi se ka kërkuar hapjen e dosjes që ditën e parë të kësaj historie.
Pjesë nga debati:
Meta: Kjo është veprimtari mafioze. Sepse ke manipuluar diçka me qëllim për të goditur një udhëheqës politike. E ke bërë me metodat më të ndyra. Ndërsa ata në një vend me kushtetutë demokratike, që ka një përvojë në këto çështje, çojnë një email anonim, vë ultimatum e këta me vrap bëjnë 7 vendime për 24 orë.
Nga 3 gushti nuk kam pasur kohë ta thërrasë këtë personin që gjasme e kisha përgjuar unë. Ata e dinë mirë që personi tjetër e ka dosjen e plotë atje. Kjo është një lojë mediatike e fëlliqur, kriminale, ballafaqimi me të cilën do shkojë në prokurori dhe në instanca të tjera kudo. Është çështje për të cilën ata do mbajnë përgjegjësi se e kanë bërë më vetëdije.
Vangjeli: Nga ju priten akte politike, ndaj kur ju thashë momentin formal, akti juaj politik do ishte “unë kërkoj hapjen e dosjes që në ditën 1”.
Meta: E kam kërkuar që në ditën 1. S’është dosja ime ajo, unë s’kam dosje.
Meta: Kujt t’ia kërkoja
Vangjeli: Autoritetit të dosjeve.
Meta: T’ia kërkoja hajdutit.
Vangjeli: Në mungesë të kësaj dosjeje, do ju vinte një copë letër që thoshte se nuk ekziston asnjë dosje.
Meta: T’i kërkoj unë autoritetit këtë gjë që shkel ligjin 7 herë brenda ditës.
Vangjeli: Ju edhe të tjerë keni vrarë një nga institucionet më të rëndësishme të demokracisë që është institucioni i rehabilitimit.
Meta: Këta janë turpi i demokracisë.
Xhafo: Nuk mendoni se ka ardhur koha për t’i hapur dojset.
Meta: Të hapin çfarë të duan, ata janë turpi i demokracisë se po bëjnë manipulime e falsifikime duke u dëmtuar jetën personave të tjerë vetëm për lojë politike. /abcnews.al
