Mesut Ozil duket se do të largohet nga Arsenali. Fantazisti gjerman nuk është më një ndër lojtarët më të rëndësishëm në Londër dhe largimi i tij, duket i paevitueshëm, duke marrë parasysh se është dhe lojtari më i paguar në Angli. Ozil përfiton 350 mijë sterlina në javë dhe drejtuesit e “Topçinjve” duan ta heqin këtë shumë të rëndë nga llogaritë e tyre.
Kontrata e gjermanit me Arsenalin skadon në verën e vitit 2021 dhe çmimi i tij në treg, ka rënë ndjeshëm. Tashmë, klubet mund të sigurojnë Ozil dhe për një ofertë prej 25-30 milion euro, para që duket se do t’i paguajë Fenerbahce në Turqi.
Miku më i mirë i Ozil, Akun Ilicaci, ka folur për një kanal turk, ku ka zbuluar gjithçka: “Presidenti i Fenerbahce e do me çdo kush Ozilin në ekip, ose këtë verë, ose sezonin e ardhshëm. Di që kanë nisur punën, por nuk jam në pozitat e duhura për të folur. Jam i bindur se Ozil do të luajë me Fenerbahce në të ardhmen”./abcnews.al
